Breaking News :

nothing found
28 İyul 2021

Bir ilə 1.5 milyard avro — Avropa İttifaqı Paşinyanların korrupsiya mexanizmini ifşa edir

Ermənistanın yeni baş naziri Nikol Paşınyanın yaratdığı və həyat yoldaşı Anna Hakobyan tərəfindən idarə olunan korrupsiya sxemi üzrə müxtəlif fondlar adı altında öz siyasi rəqibləri və devirdiyi hökumətin nüfuzlu simalarından rüşvət alması, köçürmələr, bank hesabları, vəsaitlər və fərdi hesablar yer alır

Keçən il Bakıda keçirilən Avropa İttifaqı ilə Azərbaycan arasında təhlükəsizlik dialoqunun mediada müzakirəsi zamanı çıxışımda bildirdim ki, Cənubi Qafqazda mövcudluğu, maraqları olan hər bir qlobal güc mövcudluğunun legitimləşməsi üçün regionda sülhün bərqərar olunmasında məsuliyyəti bölüşməli və beynəlxalq hüquq və ədalətin bərpası üçün səylərini əsirgəməməlidir.

Avropa İttifaqı üçün Cənubi Qafqazda Dağlıq Qarabağ münaqişəsinin həll olunmaması regionda sabitlik  və inkişafa maneə törədən əsas məqamdır.
Qeyd etmişdim ki, Aİ Cənubi Qafqazda sülhün bərqərar edilməsində maraqlı tərəf olsa da, regionda təhlükəsizliyin və dayanıqlı sülhün bərqərar olunması üçün hər hansı birbaşa təsir mexanizmlərinə malik deyil. Lakin Aİ-də regionun əsas qaynar ocağı olan Dağlıq Qarabağ münaqişəsində sülhün əldə olunması üçün Ermənistana təzyiq və təsir vasitəsi kimi istifadə edə biləcək İNFORMASİYA-lar, diplomatik və iqtisadi rıçaqlara malikdir.

Avropa İttifaqının malik olduğu rıçaqlarından biri və məncə ən təsirlisi informasiya aləti haqda geniş yazmaq istəyirəm (silsilə olaraq hamısı haqqında yazılarım olacaq).

Son aylar az qala bütün dünyanı cənginə almış və Ermənistan dövlətinin rəsmi strukturlarına bağlı mütəşəkkil erməni cinayətkar şəbəkəsinin fəaliyyəti haqqında müxtəlif Qərb nəşrlərində çoxsaylı ifşa məlumatları gedir.

Bu ilin yanvar ayında Britaniyalı araşdırmaçı və nüfuzlu təhlükəsizlik eksperti Harold Keynin nəşr etdiyi  “Narko Qarabağ” (“Narco Karabakh”) kitabında Ermənistan dövlətinə bağlı, Azərbaycanın işğal olunmuş ərazilərində fəsadları Qafqazdan çox-çox uzaqlara çıxan, beynəlxalq birliyə dərin təsir göstərə bilən cinayətlər və cinayətkar şəbəkəni  ifşa etdi.

Fevral ayında silahli münaqişələrdə müxtəlif silahların tətbiqinin və onların dünya üzrə daşınmasının izlənilməsi ilə məşğul olan Britaniyanın “Conflict Armament Research” mərkəzinin dərc etdiyi hesabatda Ermənistan dövlət aviaşirkətinin Cənubi Sudandakı vətəndaş müharibəsi regionlarına, Liviyadakı islamçılara və Somalidəki dəniz quldurlarına, mərkəzi və şimali Afrika terrorçularına silah daşımasında iştirakı ifşa edildi.

Martın 4-də isə OCCRP- Korrupsiyaya və Mütəşəkkil Cinayətkarlığa qarşı Jurnalistika Layihəsi bu dəfə Rusiyada Ermənistanın və erməni əsilli Rusiya vətəndaşlarının yaratdıqları çirkli pulların yuyulması sxemi üzrə ölkənin hakim elitası ilə əlaqələrindən sui-istifadə edərək ölkədən 9 milyard dollarlıq vəsaiti çıxarması ifşa olundu və s.

Bu il martın əvvəlində bu ifşaların sirasına daha ciddisi əlavə olundu. Niyə daha ciddi adlandırıram, çünki əgər bundan öncə ifşaların ünvanı hər nə qədər nüfuzlu olsa belə sadəcə təhlükəsizlik üzrə müxtəlif QHT-lər idi, bu dəfə isə  ifşanın müəllifi Aİ-nin Brüssel ofisi idi.

Martın əvvəlində Aİ Brüsseldə öz siyasi və iqtisadi institutları üçün tərtib etdiyi, Ermənistan hökuməti və hakim ailəsi haqqında koorupsiya faktları ilə bağlı gizli hesabat paylaşdı.

Brüsselin paylaşdığı gizli hesabatda korrupsiyaya qarşı mübarizə şüarları altında hakimiyyətə gələn Ermənistanın yeni baş naziri Nikol Paşınyanın yaratdığı və həyat yoldaşı Anna Hakobyan tərəfindən idarə olunan korrupsiya sxemi üzrə müxtəlif fondlar adı altında öz siyasi rəqibləri və devirdiyi hökumətin nüfuzlu simalarından rüşvət alması, köçürmələr, bank hesabları, vəsaitlər və fərdi hesablar haqqında məlumatlar yer alır.

Köçürmələrin ümumilikdə həcmi nə az nə çox 1,5 milyard avroluq bir məbləği əhatə edir.

Hesabatdan aydın olur ki, bu ilin yanvar ayında Davos Forumunda iştirak adı ilə Sürixdə olan Anna Hakobyan bu fondların yaradılması və idarə olunmasında fəal iştirak edib.
Anna Hakobyana  bu məsələlərdə Ermənistanın bir çox nüfuzlu rəsmisi ilə uzun illərdir şübhəli kontaktda olan İsveçrəli bir iş adamı vasitəçilik edir.

01.03.2019 mart tarixinə olan məlumatlara əsasən Ermənistanın baş nazirinin həyat yoldaşı  tərəfindən birbaşa və ya dolayısı nəzarət edilən hesablarda ümumi məbləğ nə az, nə çox 1,5 milyard avroya çatib…

Hesabatda,  son aylar “demokrat” qılığına girmiş Paşinyan və hökumət üzvlərinin daha açıq şəkildə siyasi opponentləri həbs etmək, mövcud və potensial rəqiblərinə qorxulu mesajlar göndərmək, cinayət təqibi, biznes mühakiməsi təhdidi ilə köhnə səlahiyyətlilər və oliqarxlardan müxtəlif fondlara böyük miqdarda pul köçürülməsi tələb edilməsi faktları öz əksini tapıb.

Hesabata görə, son 3 ayda Ermənistanın baş nazirinin həyat yoldaşının idarə etdiyi fondlara öz şəxsi və ofşor hesablarından pul köçürən sabiq və indiki vəzifəli şəxslər arasında Ermənistanın keçmiş baş ədliyyə icraçısı və parlament üzvü Miqran Poqosyan, sabiq maliyyə naziri və dövlət gəlirləri komitəsinin sabiq sədri Gagik Xaçatryan, iri biznesmen və deputat Samvel Aleksanyan, nəqliyyat və kommunikasiya naziri Gagik Beglaryan, Dövlət Gömrük Komitəsinin sabiq sədri Vardan Harutyunyan, iri sahibkar və ”Çiçəklənən Ermənistan Partiyası“nın qurucusu, deputat Gagik Tsarukyan və onlarla ayrı şəxslərin adı keçir.

Hesabat, adları keçən şəxslərin köçürmələri, göstərilən şəxslərin hesablarının bank sənədləri ilə sənədləşdirilmişdir.

Martın əvvəlində Brüsseldə paylaşılan gizli hesabat haqqında cüzi məlumatlar nüfuzlu və etibar olunan mediaya sızdırılmışdır. Aİ ölkələrində enerji, müdafiə və təhlükəsizlik sahəsində problemləri işıqlandıran “Eutoday” saytı bu haqda məlumat paylaşmışdır. Həm də maraqlıdır ki, yazının müəllifi Aİ institutlarında uzun illər, Avropa Parlamentində 10 ildən çox siyasi qruplar üzrə fəaliyyət göstərən, enerji və müdafiə sektorunda təhlükəsizlik üzrə ekspert Harri Kartraytdır (Gary Cartwright).

Bu hesabatı,  Aİ Brüsseldə öz siyasi və iqtisadi institutları üçün tərtib etdiyi, Ermənistan hökuməti və hakim ailəsi haqqında koorupsiya faktlarını ifşa edən gizli hesabatını, yenə də öz nüfuzlu və etibar edilən saytı ilə sızdırmaqla,  Cənubi Qafqazda təhlükəsizliyə əsas hədə olan Ermənistana mesaj olaraq dərc edir.

Bu isə daha öncə haqqında danışdığımız, Aİ üçün strateji önəm daşıyan regionun əsas qaynar ocağı olan Dağlıq Qarabağ münaqişəsində sülhün əldə olunması üçün Ermənistana təzyiq və təsir vasitəsi kimi yararlı ola bilən riçaqların-informasiyaların istifadəsinin bir nümunəsidir.

Xatırladım ki,  Azərbaycan strateji tərəfdaşlarından, xüsusilə enerji təhlükəsizliyində rol aldığı Aİ-dən , regionda beynəlxalq hüquq və normaların bərqərar olunması, dayanıqlı sülh və inkişafın əldə edilməsi naminə malik olduğu bütün təsir və təzyiq vasitələri istifadə etməsində israrlıdır.
Bu hesabatı və ümumiyyətlə cinayətkar Ermənistan dövlətinin son aylardakı silsilə ifşasını həm də Azərbaycana verilən pozitiv mesaj kimi qəbul edə bilərik.

Yeganə Hacıyeva,

Beynəlxalq  münasibətlər üzrə ekspert

21.03.2019

Yegana Hajiyeva

Read Previous

Ermənilərin çirkli oyunu və ifşa olunan yalanlar

Read Next

Paşinyan hökumətinin daha bir müəmması – Rəsmi məlumatlar niyə təhrif edilir?

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir