Breaking News :

nothing found
13 December 2019

NATO ilə Rusiya arasında danışıqlar aparmaq üçün məkan kimi yenə də Azərbaycan seçildi…

NATO ilə Rusiya arasında danışıqlar aparmaq üçün məkan kimi yenə də Azərbaycan seçildi .

Rusiya Federasiyası Silahlı Qüvvələrinin Baş Qərargah rəisi Valeri Gerasimov Bakıda NATO-nun Avropada Müttəfiq Qüvvələrinin Ali Baş Komandanı Tod Uolters ilə danışıqlar apardı.

Daha öncələr də rəsmi Bakı NATO və Rusiya komandanlarının Yaxın Şərq və Mərkəzi Asiya üzrə məsələləri müzakirəsi    üç dəfə evsahibliyi etmiş və dünya güclərinin hərbi rəhbərlikləri qarşılıqlı mövzularını müzakirəsi üçün  Azərbaycan paytaxtını seçmişlər .

Rəsmi Bakı 2017-ci ilin fevralında Rusiya Silahlı Qüvvələrinin Baş Qərargah rəisi Valeri Gerasimov və ABŞ Silahlı Qüvvələrinin Birləşmiş Qərargah rəisləri Komitəsinin rəhbəri, general Cozef Danfordla  görüşünə , 2017ci  ilin sentyabr ayında Rusiya Silahlı Qüvvələrinin Baş Qərargah rəisi Valera  Gerasimovun  NATO Hərbi Komitəsinin rəhbəri , general Petr Pavel Bakı görüşünə və  əlbətdə ki , 2018 aprel ayında Rusiya Silahlı Qüvvələrinin Baş Qərargah rəisi Valera Gerasimov  NATO-nun Avropadakı Birləşmiş Hərbi Qüvvələrinin baş komandanı , ABŞ generalı Kertis Skaparotti ilə görüşünə ev sahibliyi etmişdir.

Bu görüşlərin hər birindən sonra tərəflər ayrılıqda hər biri Azərbaycan Respublikası Prezidenti İlham Aliyevlə görüşmüşlər görüşdə müzakirə olunan mövzular ətrafında  fikir mübadiləsi etmişlər.

Artıq uzun illərdir ki ,  Azərbaycan sülhpərvər və humanist bir dövlət ənənəsinə sadiq olaraq ,  çoxsaylı  beynəlxalq və regional formatlarda planetimizin qaynar ocaqları üçün , konfliktli situatsiyalar ilə üzləşən ölkələr üçün iştirakçı tərəflər üçün ,  konfliktli situasiyaların həll və  idarə olunmasında maraqlı olan tərəflərin üçün  beynəlxalq hümanitar , siyasi , iqtisadi , hərbi və təhlükəsizlik  qurumlarının  nümayəndələrin   iştirak etdiyi tədbirlərə evsahibliyi edir.

Bakı regionlar və qlobal səviyyədə  sabitlik və inkişafın təmin edilməsi yollarının müzakirəsi  üçün bir platform rolunu oynamaqla dünyada sülhün və əminamanlığın bərqərar olması üçün öz töhhfəsini verir. Azərbaycan  təkcə yerləşdiyi  regionda deyil, həm də daha geniş miqyasda sabitləşdirici rol oynayır. Bu da bir danılmaz həqiqətdir ki,  Sülh və dialoq məkanı kimi növbəti dəfə ünvan olaraq Bakının seçilməsi Azərbaycanın beynəlxalq miqyasda rolunu və nüfuzunu daha da artıran amillərdəndir.

Bakıda keçirilən bu tip görüşlərdən 2009 cu ildən formalaşmış Əfqanıstan üzrə Beynəlxalq Təmas Qrupunun müxtəlif  ölkələrin və beynəlxalq təşkilatların çoxlu sayda  nümayəndəsi qatıldığı toplantısı ” Əfqanıstan üzrə Beynəlxalq Təmas Qrupunun Bakı görüşünü də qeyd edə bilərik.

Bakının növbəti dəfə qlobal güc mərkəzlərinin hərbi rəhbərliyinin görüşü üçün məkan kimi seçilməsinin obyektiv səbəbləri mövcuddur və istər qlobal siyasi , iqtisadi istərsə də hərbi güc mərkəzlərinin  cari məsələlər və xüsusi ilə həssas mövzuların müzakirəsi üçün Bakını seçməsi təsadüfi deyil.

Tarixən istər müharibələr , istərsədə siyasi – iqtisadi münaqişədə tərəflərin müzakirə üçün  görüşlərini strateji məkanlarda , təhlükəsiz və neytral zonalarda keçirmək adət ənənəsi mövcuddur.

Cənubi Qafqaz  Avropa ilə Asiya və Yaxın Şərq region arasında mühüm nəqliyyat dəhlizi olan qitələrarası qovşaq , tampon zona və keçid adlandırdığımız strateji coğrafi regiondur və  Azərbaycan Şərqlə Qərb arasında körpü rolunu oynayır.

Bu regionda maraqlı  istənilən qüvvə Asiya , Avropa və Yaxın Şərq arasında balansı qorumuş olur . Cənubi Qafqazın ən strateji ölkəsi kimi  Azərbaycan regionun  nüfuzlu iqtisadi, siyasi mərkəzi kimi Azərbaycan öz milli maraqlarına xidmət edən balanslı , çoxvektorlu xarici siyasət həyata keçirir.

Azərbaycan Cənubi Qafqazın digər iki ölkəsindən fərqli olaraq  müstəqil ,  qlobal güclər arasında balanslı siyasətini qoruyaraq öz maraqlarına uyğun siyasət yürüdür və biz  istər Rusiya , istərsə də  ABŞ-la öz maraqlarımızın ətrafında qarşlıqlı faydalılıq əsasında əməkdaşlıq yürüdürük və buna israrlıyıq. Azərbaycan nə NATO-nun, nə də  Kollektiv Təhlükəsizlik Müqaviləsi Təşkilatının üzvü deyil və ABŞ, Avropa Birliyi və  Rusiya ilə çox yaxşı münasibətləri olan, onların hörmət bəslədiyi ölkədir.

Bu tip görüşlərin Bakıda keçirilməsinin ən  əsas səbəblərindən biri Azərbaycan liderinin şəxsi nüfuzu və dövlətimizin regional və qlobal proseslərdə aktiv rol alması ilə bağlıdır.

Yeganə Hacıyeva,

Beynəlxalq münasibətlər üzrə ekspert,

10.07.2019

Yegana Hajiyeva

Read Previous

Mis çöhrənin məkri….

Read Next

Gürcüstan küçələrində kəsişən maraqlar…

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir